Tottenham haiko tayari kumuuza mshambuliaji wa Uingereza Harry Kane katika msimu wa joto hata kama mchezaji huyo mwenye umri wa miaka 29, ambaye mkataba wake na Spurs unakamilika msimu wa joto 2024, hatasaini mkataba mpya. (Sky Sports)
Kocha mkuu wa zamani wa Uhispania na Barcelona Luis Enrique angependa kuchukua nafasi ya kocha wa Tottenham ikiwa Spurs itaachana na Antonio Conte. (Times - usajili unahitajika)
Afisa Mkuu Mtendaji wa Inter Milan Beppe Marotta anasema mshambuliaji wa Ubelgiji Romelu Lukaku, 29, atarejea Chelsea msimu wake wa mkopo wa muda mrefu katika klabu hiyo ya Serie A utakapokamilika. (Sky Sport Italia)
Kiungo wa kati wa Argentina Alexis Mac Allister, 24, anavutia vilabu kadhaa na yuko tayari kuondoka Brighton msimu wa joto. (90 Min)
Kipa wa Senegal Edouard Mendy, 31, amefanya mazungumzo ya mkataba na Chelsea lakini pande hizo mbili haziko karibu kufikia makubaliano. (Times - usajili unahitajika)
Manchester United itampa kiungo wa Uruguay Facundo Pellistri, 21, mkataba mpya kabla ya kumtoa kwa mkopo msimu ujao. (Fabrizio Romano)
Leeds United wamekubali kumsajili mshambuliaji wa Barcelona na Uhispania Ilias Akhomach, 18, mwishoni mwa msimu. (Mundo Deportivo - kwa Kihispania)
Mshambuliaji wa Argentina na Manchester City Julian Alvarez, 23, amekubali mkataba mpya wa miaka mitano na nusu na klabu hiyo ya Ligi ya Premia. (Football Insider)
Newcastle United wanavutiwa na beki wa Arsenal Kieran Tierney lakini The Gunners huenda wasimuuze mchezaji huyo wa kimataifa wa Scotland mwenye umri wa miaka 25 kwani kochaMikel Arteta anataka kumbakisha. (Caught Offside)
Liverpool na Newcastle wanawania kumsajili kiungo wa kati wa Argentina Alan Varela, 21, kutoka Boca Juniors. (Football Insider)
Baada ya miaka sita na Paris St-Germain, mchezaji wa kimataifa wa Canada Ashley Lawrence ameamua kutoongeza mkataba wake. Mchezaji huyo mwenye umri wa miaka 27 ataondoka katika klabu hiyo mwishoni mwa msimu huu. (Le Parisien - kwa Kifaransa)
BBC
