Manchester City wamejitokeza kuwania saini ya kiungo wa kati wa Uingereza Declan Rice, 25, ikiwa West Ham watashawishiwa kuachana na nahodha wao anayekadiriwa kuwa na thamani ya pauni milioni100. (TeamTalk)
Rice anasadikiwa kuwa shabaha kuu ya Arsenal katika uhamisho wa majira ya joto. (Times - usajili unahitajika)
Kiungo wa kati wa zamani wa Manchester United Roy Keane anasema Rice "hajapigia hatua" the Hammers msimu huu. (ITV, kupitia Metro)
Mustakabali wa kiungo wa kati wa Ureno Bernardo Silva katika klabu ya Manchester City "hauko wazi" huku Barcelona wakiendelea kufuatilia hali ya mchezaji huyo mwenye umri wa miaka 28 na wako tayari kuhama iwapo ataruhusiwa kuondoka msimu wa joto. (Sport - kwa Kihispania)
Kiungo wa kati wa Ufaransa Houssem Aouar, 24, amekataa kuhamia Manchester United na kukubali kujiunga na Eintracht Frankfurt ya Ujerumani mkataba wake katika klabu ya Lyon ya Ufaransa utakapokamilika msimu huu. (Daily Express)
Napoli wanalenga kumfungia mshambuliaji wa Georgia Khvicha Kvaratskhelia, 22, ambaye amekuwa akihusishwa na Chelsea na Newcastle, kwa kandarasi mpya hadi 2028. (Gazzetta dello Sport).
Ajenti wa mshambuliaji wa Uingereza Raheem Sterling anasema mchezaji huyo mwenye umri wa miaka 28 hataki kuondoka Chelsea msimu wa joto - huku kukiwa na ripoti zinazomhusisha na Arsenal - na "hajaonyesha kutoridhika" licha ya msimu mgumu wa kwanza akiwa na The Blues. (Sky Sports)
Mshambuliaji wa zamani wa Stoke Eric Maxim Choupo-Moting, 33, amekubali kandarasi mpya ya mwaka mmoja na mabingwa wa Ujerumani Bayern Munich. Mfaransa huyo alikuwa akihusishwa na kurejea Ligi Kuu akiwa na Manchester United au Tottenham. (Sky Sports Ujerumani)
West Ham wamejiunga na orodha ya vilabu vinavyomfuatilia ya kiungo wa kati wa Bristol City Alex Scott, 19, ambaye thamani yake ni amuni milioni 25 na klabu hiyo ya Championship na pia amekuwa akihusishwa na Newcastle, Leeds, Tottenham na Wolves. (Daily Mail)
Inter Milan wanavutiwa na mlinda mlango wa Newcastle Mjerumani Loris Karius, 29. (FC Inter News, via Caught Offside)
BBC
