Kiungo mshambuliaji wa Simba Saido Ntibazonkiza anatarajiwa kuwa sehemu ya kikosi kitakachoikabili Raja Casablanca katika mchezo wa ligi ya mabingwa utakaopigwa uwanja wa Benjamin Mkapa siku ya Jumamosi, Februari 18
Saido alikosa mchezo dhidi ya Horoya Ac baada ya kupata majeraha katika mchezo wa ligi kuu dhidi ya Singida BS ambao Simba ilishinda mabao 3-1
Mtambo huo wa mabao katika kikosi cha Simba, alipewa mapumziko na benchi la ufundi ili apone majeraha hayo wakati wenzake wakisafiri Guinea kuipambania Simba katika mchezo ambao Simba ilipoteza kwa kufungwa bao 1-0 na Horoya Ac
Meneja wa Habari na Mawasiliano klabu ya Simba Ahmed Ally, amesema Saido ataungana na wachezaji wenzake kambini siku ya Jumanne kwa ajili ya kukamilisha maandalizi ya mchezo dhidi ya Raja
Simba tayari imeondoka Guinea kurejea Tanzania na inatarajiwa kutua nchini Alfajiri ya kesho Jumanne
