Kocha Mkuu wa Simba Robertinho Oliveira amewapongeza wachezaji wake kwa kuonyesha kiwango bora katika mchezo wa kwanza wa ligi ya mabingwa dhidi ya Horoya Ac uliopigwa nchini Guinea jana
Simba ilipoteza kwa kufungwa bao 1-0 katika mchezo ambao vijana wa Robertinho walipambana lakini wakakosa bahati ya kuweka mpira nyavuni
Robertinho amesema hawakuwa na mchezo mzuri sana kwenye kipindi cha kwanza lakini baada ya mapumziko walirudi uwanjani wakiwa bora zaidi na pengine hawakustahili matokeo waliyopata
"Kipindi cha kwanza wapinzani wetu walikuwa bora lakini sisi tulikuwa bora zaidi kwenye kipindi cha pili. Tumekosa nafasi mbili muhimu ndani ya eneo la hatari. Vijana wangu wamepambana, nawapongeza kwa jitihada zao, bahati haikuwa upande wetu leo"
"Huu ni mchezo wa ugenini ambao hautujaweza kufanikiwa sasa nasi tunarudi nyumbani kucheza mechi yetu ya kwanza. Malengo yetu ni kushinda mchezo huo"
"Najua tunakwenda kukabiliana na timu nzuri (Raja) lakini tutapata sapoti kubwa kutoka kwa mashabiki wetu. Naamini wachezaji wangu watatumika vizuri ili kupata ushindi," alisema Robertinho
Mchezo dhidi ya Raja Casablanca utapigwa Jumamosi ijayo, Februari 18 saa 10 jioni
