Simba yarudi Iringa kuiwinda Mtibwa Sugar

Baada ya ushindi wa mabao 2-0 dhidi ya Njombe Mji jana, kikosi cha Simba kimeondoka mkoani Njombe kurudi Iringa ambako kitaweka kambi ya siku mbili.

Kulingana na taarifa iliyotolewa na uongozi wa timu hiyo, Simba inatarajiwa kuondoka Iringa keshokutwa Ijumaa kwenda mkoani Morogoro tayari kwa mchezo wa ligi kuu ya Vodacom dhidi ya Mtibwa Sugar.

Simba itacheza na Mtibwa Sugar Jumatatu ijayo, April 09 kwenye uwanja wa Jamhuri.