Wachezaji Simba warejea 'mzigoni'

Baada ya mapumziko ya siku kadhaa, kikosi cha Simba leo kimeanza kujifua kujiandaa na michezo ya ligi kuu ya Vodacom.

Wachezaji ambao hawana majukumu ya Kimataifa katika timu za Taifa leo wameanza mazoezi kwenye uwanja wa Boko Veterani jijini Dar es salaam.

Kwa mujibu wa ratiba iliyotolewa na TFF jana, Simba inatarajiwa kucheza na Njombe Mji mkoani Njombe April 03 kabla ya kusafiri kuivaa Mtibwa Sugar mkoani Morogoro April 08.