Mshambuliaji Laudirt Mavugo raia wa Burundi alikuwa mchezaji wa kutumainiwa kwenye kikosi cha Simba katika msimu wake wa kwanza.
Simba ilifanya kazi ya ziada kunasa sahihi yake wakati huo akiwa mchezaji hatari kwenye ligi ya kwao huko Burundi.
Katika msimu wake wa kwanza, Mavugo aliifungia Simba mabao nane kwenye ligi kuu ya Vodacom.
Hata hivyo Mavugo amekuwa akipungua makali siku hadi siku hadi kupelekea mashabiki wa Simba kukosa imani nae wengine wakipendekeza aachwe.
Mavugo nusura aachwe kwenye dirisha dogo la usajili la mwezi Novemba mwaka jana, usajili wake wa mkopo kwenda Gor Mahia ya Kenya ulikwama kwenye dakika za mwisho.
Lakini tangu kuwasili kwa kocha Pierre Lechantre, Mavugo amekuwa akipata nafasi ya kucheza kwenye kikosi cha Simba mara nyingi akitokea benchi.
Tangu siku zake za mwanzo Lechantre alionekana kuvutiwa na mshambuliaji huyo kutokana na kipaji alichonacho lakini pia alibaini mapungufu yake.
Moja ya mahojiano yake na waandishi wa Habari, Lechantre alisema Mavugo ni mchezaji hatari lakini tatizo lake kubwa amepoteza kujiamini.
Hivyo kwa kushirikiana na benchi lake la Ufundi, Lechantre alisema wanajaribu kumsaidia kuondoa tatizo hilo ili awe mchezaji wa kutegemewa.
Bila shaka kazi ya benchi la ufundi imeanza kuzaa matunda. Mavugo amekuwa akibadilika taratibu, ameanza kuonyesha makali yake.
Licha ya kukosa nafasi ya wazi kwenye mchezo dhidi ya Al Masry nchini Misri Jumamosi iliyopita, Mavugo ndiye aliyeongeza kasi ya mashambulizi ya Simba na kuwapa wakati mgumu Al Masry waliolazimika kutumia mbinu ya kujiangusha mara kwa mara.
Bila shaka naye amebaini kilichokuwa kinamkwamisha na sasa huenda huu ukawa mwanzo mpya kwa mchezaji huyo ambaye alisajiliwa kwa 'mbwembwe' mwaka juzi.
Simba ilifanya kazi ya ziada kunasa sahihi yake wakati huo akiwa mchezaji hatari kwenye ligi ya kwao huko Burundi.
Katika msimu wake wa kwanza, Mavugo aliifungia Simba mabao nane kwenye ligi kuu ya Vodacom.
Hata hivyo Mavugo amekuwa akipungua makali siku hadi siku hadi kupelekea mashabiki wa Simba kukosa imani nae wengine wakipendekeza aachwe.
Mavugo nusura aachwe kwenye dirisha dogo la usajili la mwezi Novemba mwaka jana, usajili wake wa mkopo kwenda Gor Mahia ya Kenya ulikwama kwenye dakika za mwisho.
Lakini tangu kuwasili kwa kocha Pierre Lechantre, Mavugo amekuwa akipata nafasi ya kucheza kwenye kikosi cha Simba mara nyingi akitokea benchi.
Tangu siku zake za mwanzo Lechantre alionekana kuvutiwa na mshambuliaji huyo kutokana na kipaji alichonacho lakini pia alibaini mapungufu yake.
Moja ya mahojiano yake na waandishi wa Habari, Lechantre alisema Mavugo ni mchezaji hatari lakini tatizo lake kubwa amepoteza kujiamini.
Hivyo kwa kushirikiana na benchi lake la Ufundi, Lechantre alisema wanajaribu kumsaidia kuondoa tatizo hilo ili awe mchezaji wa kutegemewa.
Bila shaka kazi ya benchi la ufundi imeanza kuzaa matunda. Mavugo amekuwa akibadilika taratibu, ameanza kuonyesha makali yake.
Licha ya kukosa nafasi ya wazi kwenye mchezo dhidi ya Al Masry nchini Misri Jumamosi iliyopita, Mavugo ndiye aliyeongeza kasi ya mashambulizi ya Simba na kuwapa wakati mgumu Al Masry waliolazimika kutumia mbinu ya kujiangusha mara kwa mara.
Bila shaka naye amebaini kilichokuwa kinamkwamisha na sasa huenda huu ukawa mwanzo mpya kwa mchezaji huyo ambaye alisajiliwa kwa 'mbwembwe' mwaka juzi.
ADVERTISE HERE
