Kocha msaidizi wa Simba, Masoud Djuma, amesema hawakuwa na bahati ya kusonga mbele katika mashindano ya Kombe la Shirikisho Afrika waliyokuwa wakishiriki.
Simba imetolewa na Al Masry kwa faida ya mabao ya ugenini waliyopata katika sare ya magoli 2-2 huku mechi ya marudiano iliyofanyika juzi mjini Port Said timu hizo zikitoka suluhu.
Djuma amesema wachezaji walicheza katika kiwango cha juu sambamba na wapinzani wao lakini hakuna upande uliofanikiwa kupata bao katika mchezo huo.
Djuma amesema juzi aliona wachezaji wa Simba wakicheza soka la nidhamu na umakini tofauti na wanavyocheza katika mechi za Ligi Kuu Tanzania Bara ambayo wao ni vinara.
"Kiukweli imetuuma sana kutoka katika mashindano ya CAF (Shirikisho la Soka Afrika), wachezaji walipambana kadri ya uwezo wao ili kutafuta bao, juhudi zao zilikuwa za kiwango cha juu, ila mwisho wa siku katika mpambano ni lazima mmoja awe mshindi, lakini katika mechi hii wenzetu walikuwa na bahati," alisema Djuma.
Kocha huyo raia wa Burundi aliongeza kuwa watakaa na wachezaji na kuwaambia wasahau michuano hiyo na sasa nguvu walizoonyesha kwenye mashindano hayo ya kimataifa wahamishie kwenye Ligi Kuu ili watimize ndoto zao za kutwaa ubingwa msimu huu.
"Tumebakia na ligi ya nyumbani peke yake, akili na nguvu zote ni kuchukua ubingwa, ule wakati tuliwaza mashindano matatu, hatutaki kuona tunapoteza ubingwa, tunajua mechi zilizobaki za kuamua ubingwa," aliongeza Djuma.
Simba imetolewa na Al Masry kwa faida ya mabao ya ugenini waliyopata katika sare ya magoli 2-2 huku mechi ya marudiano iliyofanyika juzi mjini Port Said timu hizo zikitoka suluhu.
Djuma amesema wachezaji walicheza katika kiwango cha juu sambamba na wapinzani wao lakini hakuna upande uliofanikiwa kupata bao katika mchezo huo.
Djuma amesema juzi aliona wachezaji wa Simba wakicheza soka la nidhamu na umakini tofauti na wanavyocheza katika mechi za Ligi Kuu Tanzania Bara ambayo wao ni vinara.
"Kiukweli imetuuma sana kutoka katika mashindano ya CAF (Shirikisho la Soka Afrika), wachezaji walipambana kadri ya uwezo wao ili kutafuta bao, juhudi zao zilikuwa za kiwango cha juu, ila mwisho wa siku katika mpambano ni lazima mmoja awe mshindi, lakini katika mechi hii wenzetu walikuwa na bahati," alisema Djuma.
Kocha huyo raia wa Burundi aliongeza kuwa watakaa na wachezaji na kuwaambia wasahau michuano hiyo na sasa nguvu walizoonyesha kwenye mashindano hayo ya kimataifa wahamishie kwenye Ligi Kuu ili watimize ndoto zao za kutwaa ubingwa msimu huu.
"Tumebakia na ligi ya nyumbani peke yake, akili na nguvu zote ni kuchukua ubingwa, ule wakati tuliwaza mashindano matatu, hatutaki kuona tunapoteza ubingwa, tunajua mechi zilizobaki za kuamua ubingwa," aliongeza Djuma.
ADVERTISE HERE
