Mshambuliaji tegemeo na nyota katika kikosi cha Simba, Emmanuel Okwi, amesema wamekwenda Misri kupambana na hawana hofu yoyote kuelekea mchezo wao wa marudiano wa Kombe la Shirikisho Afrika dhidi ya wenyeji Al Masry utakaofanyika Jumamosi kwenye mji wa Port Said.
Kikosi cha Simba tayari kimetua Port Said ambapo mchezo wao utafanyika.
Okwi, amesema kuwa anaamini Simba ina nafasi "kubwa" ya kusonga mbele kwenye mashindano hayo yanayoandaliwa na Shirikisho la Soka Afrika (CAF) na wanachohitaji ni kuwa na bahati.
Okwi amesema kuwa uwezo wa kushinda mechi hiyo wanao lakini wanatakiwa kuongeza umakini na kutoziweka akilini "fitna" zozote za nje ya uwanja ambazo zitajitokeza kabla ya kushuka uwanjani.
"Tunakwenda kupambana, naamini Mungu atatusaidia, uwezo tunao, mliwaona, wanafungika," alisema kwa kifupi Mganda huyo.
Simba iliondoka jana jioni na msafara wa wachezaji 20 ambao ni Said Mohamed, Aishi Manula, Shomari Kapombe, Mohamed Hussein "Tshabalala", Asante Kwasi, Juuko Murshid, Yussuf Mlipili, Erasto Nyoni, Paul Bukaba, Jonas Mkude na James Kotei.
Wengine ni Said Ndemla, Muzamiru Yassin, Mwinyi Kazimoto, Shiza Kichuya, John Bocco, Okwi, Nicholaus Gyan, Laudit Mavugo na Juma Luizio huku benchi la ufundi likiongozwa na Kocha Mkuu, Pierre Lechantre, Kocha Msaidizi, Masoud Djuma, Mohammed Aymen (viungo), Muharami Mohammed (makipa), Yassin Gembe (daktari), Richard Robert (meneja) na Yassin Mtambo (vifaa).
Katika mechi ya kwanza iliyofanyika Machi 7 mwaka huu kwenye Uwanja wa Taifa jijini, timu hizo zilitoka sare ya mabao 2-2, hivyo Simba inahitaji ushindi wa aina yoyote ili iweze kusonga mbele.
Kikosi cha Simba tayari kimetua Port Said ambapo mchezo wao utafanyika.
Okwi, amesema kuwa anaamini Simba ina nafasi "kubwa" ya kusonga mbele kwenye mashindano hayo yanayoandaliwa na Shirikisho la Soka Afrika (CAF) na wanachohitaji ni kuwa na bahati.
Okwi amesema kuwa uwezo wa kushinda mechi hiyo wanao lakini wanatakiwa kuongeza umakini na kutoziweka akilini "fitna" zozote za nje ya uwanja ambazo zitajitokeza kabla ya kushuka uwanjani.
"Tunakwenda kupambana, naamini Mungu atatusaidia, uwezo tunao, mliwaona, wanafungika," alisema kwa kifupi Mganda huyo.
Simba iliondoka jana jioni na msafara wa wachezaji 20 ambao ni Said Mohamed, Aishi Manula, Shomari Kapombe, Mohamed Hussein "Tshabalala", Asante Kwasi, Juuko Murshid, Yussuf Mlipili, Erasto Nyoni, Paul Bukaba, Jonas Mkude na James Kotei.
Wengine ni Said Ndemla, Muzamiru Yassin, Mwinyi Kazimoto, Shiza Kichuya, John Bocco, Okwi, Nicholaus Gyan, Laudit Mavugo na Juma Luizio huku benchi la ufundi likiongozwa na Kocha Mkuu, Pierre Lechantre, Kocha Msaidizi, Masoud Djuma, Mohammed Aymen (viungo), Muharami Mohammed (makipa), Yassin Gembe (daktari), Richard Robert (meneja) na Yassin Mtambo (vifaa).
Katika mechi ya kwanza iliyofanyika Machi 7 mwaka huu kwenye Uwanja wa Taifa jijini, timu hizo zilitoka sare ya mabao 2-2, hivyo Simba inahitaji ushindi wa aina yoyote ili iweze kusonga mbele.
ADVERTISE HERE
