Tumejipanga kushinda mchezo dhidi ya KMC - Matola

Kocha Msaidizi wa Simba Selemani Matola amesema wamejipanga kuhakikisha wanapata ushindi dhidi ya KMC katika mchezo wa ligi kuu utakaopigwa kesho Jumatano uwanja wa Benjamin Mkapa

Akizungumza maandalizi ya mchezo huo, Matola amesema baada ya kupoteza mchezo wa dabi, huo ni mchezo mwingine ambao wamelenga kshinda

Amesema wachezaji wanafahamu ushindi katika mchezo huo utawapa uhakika wa kutwaa ubingwa msimu huu

"Tumetoka kupoteza mechi ya dabi lakini huu ni mchezo mwingine tofauti na kama tutashinda tutakuwa tumeukaribia zaidi ubingwa na hilo ndio jambo ambalo tunataka litoke"

"Tunajua mchezo hautakuwa mwepesi lakini tumejipanga kushinda," alisema Matola

Mchezo dhidi ya KMC utapigwa Jumatano kuanzia saa moja kamili usiku