Mwenyekiti wa Bodi ya Wakurugenzi Bilionea Mohammed Dewji 'Mo' ameonyesha kukerwa na matukio ya Simba kunyimwa mikwaju miwili ya penati ya dhahiri katika mchezo dhidi ya Yanga uliopigwa uwanja wa Benjamin Mkapa juzi Jumamosi
Katika mchezo huo ambao Yanga walipata ushindi wa bao 1-0, winga Bernard Morrion alihusika kwenye matukio mawili ambayo kwa hakika mwamuzi Emmanuel Mwandembwa alipaswa kutoa adhabu ya penati
Tukio la kwanza lililotokea kwenye kipindi cha kwanza baada ya krosi ya Morrison kumgonga mkononi beki Dickson Job akiwa ndani ya eneo la hatari
Lakini pia kwenye kipindi cha pili, Morrison alivutwa jezi na Deus Kaseke na kuangushwa ndani ya eneo la hatari lakini mwamuzi akapeta
Kupitia ukurasa wake wa mtandao wa kijamii, Mo amekumbushia matukio hayo huku akiwapa pongezi Yanga
