Pamoja na kupoteza mchezo wa jana dhidi ya Yanga, mabingwa wa nchi Simba wanaweza kutangaza ubingwa mchezo ujao dhidi ya KMC kama watapata ushindi
Ni Jumatano ya Julai 07 Simba watakuwa wageni kwa KMC katika mchezo ambao utapigwa uwanja wa Benjamin Mkapa
Kimahesabu Simba inahitaji alama tatu tu kutwaa ubingwa huku wakiwa na michezo minnne mkononi
Baada ya mchezo dhidi ya KMC, Julai 10 watashuka tena uwanja wa Benjamin Mkapa kuikabili Coastal Union
Julai 14 wataelekea Chamazi kuikabili Azam Fc na baadae kumaliza msimu kwa kuumana na Namungo Fc katika mchezo utakaopigwa uwanja wa Benjamin Mkapa, Julai 18
Walichofanikiwa Yanga jana ni kuchelewesha sherehe za ubingwa ambazo zingenoga zaidi siku ya jana
Lakini ni suala la muda tu, Simba itarejesha taji la VPL kabatini kwa msimu wa nne mfululizo
