Afisa Habari wa Simba Haji Manara amewapongeza Yanga kwa kuweza kuibuka na ushindi wa bao 1-0 dhidi ya Simba leo katika mchezo muhimu ambao Simba ilizihitaji alama zote tatu kuweza kutangaza ubingwa
Manara amesema Yanga walifanikiwa zaidi kimbinu hasa kwenye kipindi cha kwanza na pia walikuwa na bahati
"Tumefungwa na timu iliyocheza kimbinu vema zaidi yetu na bahati kubwa kwao. Hatukuwa Simba kipindi cha kwanza lakini huo ndio mpira. Hongereni Sana Utopolo," aliandika Manara kwenye ukurasa wake wa mtandao wa kijamii
Kwa mara nyingine leo Simba imeshindwa kupata ushindi katika mchezo ambao walitawala kipindi chote cha pili
Nafasi moja kubwa waliyoipata Yanga kwenye kipindi cha kwanza waliitumia vyema kuweza kufunga
Lakini Simba ilipata nafasi nzuri zaidi kwenye kipindi cha pili mojawapo ikiwa na Bernard Morrison ambaye alipiga mpira nje akiwa hatua nne tu kutoka golini
