Bodi ya Wakurugenzi klabu ya Simba imempa tunzo Mzee Yusufu Makamba Mwanasimba kindakindaki, aliyewahi kuwa Mkuu wa mikoa ya Kigoma, Tanga na Dar es salaam ambaye pia ni Baba mzazi wa Mh Januari Makamba (MB)
Simba imemtunza Makamba kwa kutambua mchango wake wa klabu hii yenye historia ya kipekee
"Kwa niaba ya klabu ya Simba, ni heshima kukabidhi tuzo kwa mtu mwingine muhimu sana kwenye maendeleo ya klabu Mzee. Yusuf Makamba"
"Tunafurahi sana kuona watu muhimu kwenye jamii wakiendelea kuishika mkono klabu yetu, japo sikuweza kumkabidhi tuzo hii binafsi, ila nimefarijika kusikia Mzee Makamba akikumbukia enzi zao kwenye klabu," ilisema taarifa ya Mwenyekiti wa Bodi ya Wakurugenzi, Mo Dewji
Aidha Makamba ameushukuru uongozi wa Simba kwa kumkumbuka na kutambua mchango wake
"Nashukuru kwa heshima hii mliyonipatia Simba na asante sana Mo Dewji kwa kazi nzuri unayofanya Simba na jinsi ulivyojitolea, naiombea Simba ushindi siku ya Jumamosi"
