Kocha Mkuu wa Simba Didier Gomes amesema kikosi chake kiko tayari kuwapa furaha ya ubingwa mashabiki kwenye mchezo wa ligi kuu dhidi ya Yanga utakaopigwa kesho Jumamosi uwanja wa Benjamin Mkapa
Simba wakiwa wenyeji wa mchezo huo, wanahitaji alama zote tatu ili kutwaa ubingwa kwa msimu wa nne mfululizo
Gomes amesema amewafuatilia Yanga katika michezo nane iliyopita, anafahamu aina ya mbinu ambazo atatumia kupata ushindi
"Nimezitazama mechi zao nane za karibuni hivyo kuna vitu tumeviona ambavyo tunaamini vitatusaidia kupata ushindi, tunajua mechi itakuwa ngumu lakini tupo tayari kupambana," amesema Gomes
Aidha Gomes amesema hawezi kuwabeza Yanga kwani wanao wachezaji wazuri hata hivyo kikosi chake ni bora zaidi na wana kila sababu ya kushinda mchezo huo
"Kuna wachezaji Yanga wana uwezo mkubwa lakini hatutaingia kwa kuangalia mchezaji mmoja mmoja badala yake tumejipanga kuikabili timu nzima"
