Jeshi la Polisi laimarisha ulinzi dabi ya Kariakoo

Jeshi la Polisi Kanda Maalum Dar es salaam, limeimarisha ulinzi kuelekea mchezo mkubwa wa nchi unaozikutanisha timu za kihistoria Simba na Yanga

Mchezo huo utapigwa kesho Jumamosi uwanja wa Benjamin Mkapa

Kamanda Muliro Jumanne amewataka mashabiki watakaoelekea uwanja wa Benjamin Mkapa kushuhudia mchezo huo, kufuata maelekezo yaliyotolewa na Jeshi hilo

"Yeyote ambae ataingia uwanjani kwenye mechi ya Simba na Yanga July 3 hatakiwi kwenda na silaha kama bunduki, kisu, panga au jiwe lakini pia chupa za aina yoyote zimepigwa marufuku"

"Pasipokuwa na sababu ya lazima Watoto wadogo wasiende uwanjani, pia magari yote yatakayoruhusiwa ni yale yenye vibali maalum na yataelekezwa maeneo ya kupangwa," alisema Kamanda Muliro