Mabingwa wa nchi Simba wiki hii wanaweza kuwa wanakamilisha ratiba ligi kuu kama watashinda mchezo dhidi ya Yanga siku ya Jumamosi
Ndio, Mnyama anahitaji alama tatu tu kutangaza ubingwa wa nne mfululizo kufikia rekodi yake aliyoweka mwanzoni mwa miaka ya 80
Baada ya mchezo dhidi ya Yanga ambao utapigwa Julai 03, Mnyama atashuka tena dimbani Julai 07 kuikabili KMC
Habari njema ni kuwa mchezo huo ambao awali ulipangwa kupigwa uwanja wa CCM Kirumba, sasa utapigwa uwanja wa Benjamin Mkapa jijini Dar es salaam
Katibu Mkuu wa KMC Walter Harrison amethibitisha kuwa wameurudisha mchezo huo uwanja wa Benjamin Mkapa
Baada ya kuwakabili KMC, Mnyama atarudi tena kwa Mkapa Julai 10 kuikabili Coastal Union kisha kuelekea kule Chamazi ambako Julai 14 ataikabili Azam Fc
Mnyama atamaliza msimu kwa kuumana na Namungo Fc Julai 18 hapo hapo kwa Mkapa
