Unapozungumzia makali ya kikosi cha Simba hutakosa kuwataja walinzi wake wa pembeni Shomari Kapombe na Mohammed Hussein 'Zimbwe Jr'
Kocha Mkuu wa Simba Didier Gomes anajivunia kuwa na wachezaji hawa kwani wamekuwa na mchango mkubwa kwenye mafanikio ya Simba katika kipindi cha miaka mitatu
Kapombe amehusika katika mabao matano yaliyofungwa na Simba kwenye ligi msimu huu
Huyu ndiye mchezaji bora zaidi katika nafasi ya ulinzi wa kulia. Uwezo wake wa kupanda kusukuma mashambulizi unamfanya ajitofautishe na wachezaji wengine wanaocheza nafasi kama yake
Zaidi Kapombe ni mchezaji aliyekamilika. Anaweza kucheza nafasi zote za ulinzi lakini pia anaweza kutumika kama kiungo wa kuzuia au kushambulia
Ni mmoja wa wachezaji ambao siku ya Jumamosi watakiongoza kikosi cha Simba katika mchezo dhidi ya Yanga, mchezo ambao Simba inahitaji ushindi ili kutangaza ubingwa mbele ya watani zao
