Mshambuliaji Chris Mugalu raia wa DR Congo amepona majeraha yaliyokuwa yakimsumbua kuelekea mchezo wa ligi kuu dhidi ya Yanga ambao utapigwa Jumamosi Julai 03 uwanja wa Benjamin Mkapa
Mugalu alikosa mchezo wa nusu fainali kombe la FA dhidi ya Azam Fc uliopigwa Songea juzi na Simba kushinda bao 1-0
Ushindi kwa Simba siku ya Jumamosi, utawahakikishia mabingwa hao wa nchi kutwaa ubingwa wa ligi kuu msimu huu huku wakiwa na mechi nne mkononi
Nyota huyo alipewa program maalum ya mazoezi ya gym ili kuhakikisha anapona kwa wakati
Mugalu ameifungia Simba mabao 10 kwenye ligi akishika nafasi ya nne katika vinara wa kuzifumania nyavu nyuma ya Meddie Kagere mwenye mabao 11
Kwa siku za karibuni, kocha mkuu wa Simba Didier Gomes amewatumia pamoja yeye pamoja na nahodha John Bocco ambaye ndiye kinara wa mabao VPL akiwa amefunga mabao 14 sawa na Prince Dube wa Azam Fc
