Mtendaji Mkuu wa klabu ya Simba Barbara Gonzalez amesema aliamini Simba ingeibuka na ushindi katika mchezo wa nusu fainali kombe la Shirikisho la Azam (ASFC) dhidi ya Azam Fc
Mchezo huo uliopigwa uwanja wa Majimaji jana, uliishuhudia Simba ikiibuka na ushindi wa bao 1-0 shukrani kwa kazi nzuri ya winga Bernard Morrison aliyemtengenezea Luis Miquissone nafasi ya kufunga
Barbara amesema mchezo huo ulikuwa kama mazoezi tu kuelekea mchezo wa ligi kuu dhidi ya Yanga utakaopigwa Julai 03 uwanja wa Benjamin Mkapa
"Sisi tulifahamu mapema nafasi yetu ya kushinda ilikuwa kubwa kutokana na ubora wa kikosi chetu. Tuliuchukulia mchezo kama sehemu ya mazoezi kuelekea mchezo dhidi ya Yanga Julai 03," alisema Barbara
Simba inahitaji ushindi dhidi ya Yanga Julai 03 ili kutwaa ubingwa wa ligi kuu kwa msimu wa nne mfululizo
