Machampioni wa soka Tanzania Simba wako mkoani Ruvuma ambapo jioini ya leo watashuka uwanja wa Majimaji kuwakabili Wanaramba ramba Azam Fc
Ni mchezo wa nusu fainali kombe la Shirikisho la Azam (ASFC) utakaounguruma kuanzia saa tisa na nusu Alasiri
Simba ndio mabingwa watetezi wa michuano hii, wamepania kutetea ubingwa kwa msimu wa pili mfululizo
Aidha Mnyama anafahamu ushindi utakwenda kumkutanisha na mtani wake Yanga kwenye mchezo wa fainali, hakuna kitu Wanasimba wanasubiri kama mchezo dhidi ya watani
Baada ya mazoezi ya mwisho jana, kocha msaidizi wa Simba Selemani Matola alisema vijana wake wote wako tayari kwa mchezo huo
Simba watamkosa mshambuliaji Chris Mugalu aliyebaki jijini Dar es salaam akiuguza majeraha
Kila la kheri Simba, kila la kheri mabingwa watetezi..
