Kocha Mkuu wa Simba Didier Gomes amesema vijana wake wako tayari kwa mchezo wa nusu fainali kombe la FA dhidi ya Azam Fc ambao utapigwa kesho Jumamosi katika uwanja wa Majimaji Songea.
Akizungumza katika Mkutano na Wanahabari kuelekea mchezo huo, Gomes amesema malengo ya Simba msimu huu ni kushinda makombe yote
Pamoja na ubora wa Azam Fc, Gomes amesisitiza kuwa wanahitaji kushinda ili kuweza kutinga fainali
"Utakuwa ni mchezo mgumu lakini tunataka kushinda makombe yote la Ligi Kuu na Kombe la Shirikisho. Tunawaheshimu sababu tunajua vizuri sana uwezo lakini tumejipanga vizuri sana kufika fainali," alisema Gomes
Aidha nahodha wa Simba John Bocco amesema wanawaheshimu Azam Fc lakini wako tayari kukabiliana nao katika mchezo huo wa kukata na shoka
"Tunaenda kukutana na timu nzuri, tunawaheshimu kwa hilo lakini tumejipanga vizuri na Mungu atatusaidia kupata matokeo mazuri na kufuzu fainali"
