Kiungo mshambuliaji wa Simba Bernard Morrison ni mmoja wa wachezaji waungwana na wacheshi sana
Nje ya kazi yake ya kuwapa burudani mashabiki wa Simba, Morrison ni mchezaji anayependa kufurahi yeye pamoja na watu wanaomzunguuka
Ni mchezaji anayecheka na kila mtu kambini, yeye anaweza kutaniana na kila mchezaji, viongozi na hata mabosi wake wa benchi la ufundi
Juzi alipofanyiwa mabadiliko kwenye mchezo dhidi ya Mbeya City, Morrison alifanya kituko ambapo alikwenda kukaa kwenye benchi la wachezaji wa Mbeya City kabla ya kuondoka kuelekea waliko wachezaji wenzake wa Simba
Tukio hilo liliwachekesha wengi wakiwemo nyota wa Mbeya City ambao walisahau kipigo cha mabao 4-1 kwa muda na kufurahi
Morrison ni mchezaji wa aina yake, anayafanya maisha kuwa rahisi awapo dimbani na hata nje ya uwanja..!
