Juzi Mtendaji Mkuu wa klabu ya Simba Barbara Gonzalez alitahadharisha kuwa klabu haitakuwa tayari kuendelea na wachezaji ambao hawana kiu ya mafanikio na kuipambania timu
Kauli hiyo pia ikakolezwa na Mulamu Ng'ambi, Mjumbe wa Bodi ya Wakurugenzi ambaye amesema kwa sasa Simba haihitaji wachezaji wa mshahara tu
Ng'ambi alisema Simba ina maono makubwa hivyo inahitaji wachezaji wenye maono makubwa pia
Mabosi wa Simba ni kama wanawaandaa 'kisaikolojia' baadhi ya wachezaji ambao wamekuwa na mchango mdogo ndani ya kikosi cha Simba
Kuna panga litapita msimu utakapomalizika, kwa nyota ambao wamekuwa na msaada mdogo katika timu
Aidha suala la nidhamu pia huenda likawaingiza matatani nyota kama Gerard Mkude ambaye bado anaendelea kuvutana na uongozi licha ya kuwa zinafanyika jitihada kumsaidia nyota huyo aliyedumu zaidi kwenye kikosi cha Simba
Simba inalenga kufanya vizuri zaidi msimu ujao hasa kwenye michuano ya Kimataifa
Pamoja na kuwa Kocha Didier Gomes hahitaji mabadiliko makubwa ya kikosi chake, lakini ni wazi baadhi ya wachezaji wataachwa
