Mabingwa wa nchi Simba wameendelea kuukaribia ubingwa wa ligi kuu kwa msimu wa nne mfululizo baada ya kuichapa Polisi Tanzania bao 1-0 katika mchezo uliopigwa uwanja wa CCM Kirumba
Bao la Luis Miquissone alilofunga kwenye dakika ya 28 kupitia mpira wa adhabu, lilitosha kuipatia Simba alama tatu muhimu
Simba ilitawala kipindi cha kwanza huku Polisi Tanzania wakiimarika kwenye kipindi cha pili
Ni ushindi unaoifanya Simba ifikishe alama 70 baada ya kushuka dimbani mara 28
Ushindi katika michezo mingine miwili utatosha kuipa Simba ubingwa wa nne mfululizo
Mchezo unaofuata ni dhidi ya Mbeya City na utapigwa uwanja wa Benjamin Mkapa, Juni 22
Baadae mabingwa watasafiri kuelekea mkaoni Ruvuma wanakokabiliwa na mchezo wa nusu fainali kombe la FA dhidi ya Azam Fc utakaopigwa Juni 26, Songea
