Kikosi cha vijana cha mabingwa wa soka Tanzania Bara, Simba U20 leo kitashuka uwanja wa Azam Complex kuikabili Mtibwa Sugar katika mchezo wa nusu fainali ligi kuu ya Vijana
Baada ya kufanikiwa kuingia hatua hiyo kwa kumaliza katika nafasi ya pili kundi A wakishinda michezo miwili na kutoka sare mchezo mmoja, hii ni nafasi kwa vijana wa Simba kusaka tiketi ya kwenda fainali kwa kupata ushindi dhidi ya Mtibwa Sugar ambao ni mabingwa watetezi wa michuano hiyo
Mchezo huo utakaopigwa saa kumi na nusu jioni, utatanguliwa na mchezo wa kwanza wa nusu fainali kati ya Yanga dhidi ya Azam Fc utakaopigwa saa nane mchana
Simba imedhamiria kushinda makombe yote ambayo timu zake zinashiriki msimu huu
Simba Queens wametwaa ubingwa wa ligi ya wanawake kwa msimu wa pili mfululizo, Simba Sc inaelekea kuhifadhi taji la Tanzania Bara kwa msimu wa nne mfululizo, Simba U20 leo wanahitaji kwenda fainali
