Simba kuifuata Polisi Tanzania Mwanza

Msafara wa kikosi cha Simba unatarajiwa kuelekea jijini Mwanza wanakokabiliwa na mchezo wa ligi kuu dhidi ya Polisi Tanzania

Mchezo huo utapigwa Jumamosi,Juni 19 katika uwanja wa CCM Kirumba

Hii ni mara ya pili Simba inarejea Mwanza mwezi huu kucheza mchezo wa ligi kuu

Juni 03 walishuka katika uwanja huo na kupata ushindi wa mabao 3-0 dhidi ya Ruvu Shooting

Polisi Tanzania wamehamisha mchezo huo mkoani Mwanza kutoka katika uwanja wao wa Ushirika,Moshi

Msimu huu kila timu ya ligi kuu imeruhusiwa kucheza mechi moja nje ya uwanja wake rasmi

Wekundu wa Msimbazi wanahitaji angalau alama tisa kuweza kurejesha ubingwa Msimbazi kwa msimu wa nne mfululizo

Ushindi katika mchezo huu utawasogeza karibu zaidi na ubingwa wa nne