Rais Samia aagiza ukarabati wa viwanja vya Michezo

Rais wa Jamhuri ya Muungano wa Tanzania Mh Samia Suluhu Hassan ametoa maagizo kwa Chama cha Mapinduzi (CCM) kukarabati viwanja wanavyovimiliki

Akizungumza na Vijana jijini Mwanza leo, Mama Samia amesema michezo ni ajira. Amesisitiza kama CCM hawawezi kuvikarabati basi ni vyema wakatafuta wawekezaji wa kuwasaidia

"Viwanja vingi vya Michezo vinamilikiwa na Chama cha Mapinduzi (CCM). Nakiomba chama kikarabati viwanja hivyo na Kama wanashindwa basi watafute wawekezaji ili viwanja viwekwe nyasi za bandia kwani michezo ni ajira," alisema Rais Samia

Kwa hakika Rais Samia anastahili pongezi kwa kuliona hili kwani malalamiko yalikuwa mengi

Hatimaye changamoto ya ubovu wa viwanja hasa mikoani huenda itapata ufumbuzi