Nyota waliokuwa na majukumu ya timu za Taifa, wanatarajiwa kurejea kambini kesho Jumanne kujiunga na wenzao katika maandalizi ya mechi za ligi kuu dhidi ya Polisi Tanzania na Mbeya City
Meneja wa Simba Patrick Rweyemamu amesema nyota waliokuwa timu ya Taifa ya Tanzania 'Taifa Stars' wote wataripoti kambini kesho wakati wale wa Mataifa ya nje wanatarajiwa kuwasili nchini wakati wowote
Aidha Rweyemamu amesema kocha Didier Gomes tayari amerejea na leo alitarajiwa kuongoza mazoezi Bunju
Gomes alikuwa Ufaransa kwa ajili ya mapumziko wakati ligi iliposimama kupisha kalenda ya FIFA
Juni 19 Simba itakuwa mkoani Mwanza kuikabili Polisi Tanzania kisha kurejea jijini Dar es salaam kuumana na Mbeya Juni 22
Baadae mabingwa hao wa nchi wataelekea Ruvuma wanakokabiliwa na mchezo wa nusu fainali kombe la FA dhidi ya Azam Fc
