Kiwango kizuri alichoonyesha kwenye michuano ya ligi ya mabingwa msimu huu kimemfanya Luis Miquissone kuwa mchezaji anayewindwa na timu nyingi
Simba inaweza kulazimika kumuuza Miquissone kama watapata ofa nono zaidi
Thamani ya Miquissone kwa sasa ni dola Mil 1 ambazo ni zaidi ya Bil 2 za Kitanzania
Simba inahusishwa na nyota wawili raia wa Zambia Moses Phiri (Zanaco) na Justine Shonga anayekipiga kunako klabu ya Cape Town City ya Afrika Kusini
Nyota hao wote wanaweza kusajiliwa kama Simba itaamua kumuuza Miquissone ambaye kwa hakika thamani yake imepanda mara dufu
Kwa kocha Didier Gomes hatapenda kuona Miquissone anauzwa kwani ni mchezaji muhimu sana kwenye kikosi chake
Lakini pia haitakuwa rahisi kwa Simba kukataa kitita cha Tsh Bilioni 2 na nusu dau ambalo linatajwa kuwekwa mezani kwa ajili ya mchezaji huyo
