Kuelekea mchezo wa Kimataifa wa kirafiki kati ya Tanzania dhidi ya Mwalawi, nyota wanne wa timu ya Taifa wamewekwa chini ya uangalizi wa daktari na wanaweza kukosa mchezo huo ambao utapigwa Jumapili
Stars itakuwa mwenyeji wa Malawi katika Uwanja wa Benjamin Mkapa ikiwa ni sehemu ya maandalizi ya mechi za mchujo Kombe la Dunia ambapo imepangwa kuvaana na DR Congo na Madagascar
Wachezaji Salim Aboubakar, anayetokea Azam Fc, beki Erasto Nyoni, mshambuliaji John Bocco, na kiungo Mzamiru Yassin, wote watatu wa Simba, wamewekwa chini ya uangalizi maalum wa madaktari
Wachezaji hao hawakushiriki mazoezi ya jana Alhamisi yaliyoongozwa na kocha mkuu Kim Poulsen na kulingana na meneja wa timu Nadir Haroub, watabaki chini ya uangalizi maalum kabla ya kuamua ikiwa watahusika au la
