Mshambuliaji wa DC Motema Pembe ya DR Congo, Kadima Kabangu, amesema ubora walionao viungo wa Simba wakiongozwa na Clatous Chama na Luis Miquissone, utamfanya afunge mabao mengi iwapo atatua ndani ya kikosi hicho msimu ujao
Kabangu ndani ya msimu huu wa Ligi kuu ya DR Congo akiwa na Motema Pembe, amefanikiwa kufunga mabao 9 na kutoa asisti 4 katika michezo 16, huku akifanikiwa kufunga mabao 3 katika michezo minne ya Kombe la Shirikisho Afrika
Mshambuliaji huyo ameweka wazi kuwa tayari amewasiliana na Kocha wa Simba, Didier Gomes kwa ajili ya kujiunga na timu hiyo
"Simba wana viungo wazuri wa kutengeneza mabao kama Chama, Luis na Bwalya (Rally), hivyo naamini kupitia wao nitafunga mabao mengi sana kama nitafanikiwa kukamilisha usajili wangu wa kujiunga na Simba katika siku zijazo"
"Ligi ya Tanzania nimeifuatilia na bado naendelea kuifuatilia, ni ligi nzuri na yenye ushindani mkubwa, unatakiwa kujituma kila siku ili uweze kufanikiwa kufunga kama ukiwa mshambuliaji, binafsi nimejiandaa kwa kupambana"
