Timu za vijana za Simba na Yanga zitapambana Juni 10 katika awamu ya pili ya Ligi Kuu ya vijana chini ya miaka 20 katika mchezo utakoafanyika kwenye uwanja wa Azam Complex Chamazi
Timu hizo zimepangwa kundi moja katika mkondo wa pili wa mechi zitakazoanza Juni 10 hadi 19 kwenye uwanja wa Azam Complex
Timu nane zimefuzu mkondo wa pili baada ya kufanya vizuri katika hatua ya makundi ya mechi ambazo zilikua zinachezwa kwa muundo wa mechi za nyumbani na ugenini
Simba imepangwa kundi A pamoja na watani zao Yanga, pia zimo Mwadui Fc na JKT Tanzania
Kundi B lina timu za Prisons, Azam Fc, Mtibwa Sugar na Kagera Sugar
Michezo ya nusu fainali itapigwa Juni 17 ambapo itajumuisha timu zilizomaliza katika nafasi ya kwanza na ya pili wakati mchezo wa fainali utapigwa Juni 19 kumpata bingwa wa ligi kuu ya vijana kwa msimu huu
Simba imedhamiria kushinda makombe yote ambayo timu zake zinashiriki
Tayari Simba Queens wameshinda taji la ligi kuu ya Wanawake 'Serengeti Lite' wakati Wanaume wakihesabu siku kabla ya kutangazwa kuwa mabingwa wa ligi kuu ya Vodacom kwa msimu wa nne mfululizo
