Kocha Mkuu wa Simba Didier Gomes hatarajii kufanya usajili mkubwa kuelekea msimu ujao kutokana na ubora wa kikosi chake
Hata hivyo inaelezwa, Gomes amependekeza usajili wa wachezaji wawili wa kigeni katika nafasi ya ushambuliaji na mlinzi wa kati
Mmoja wa washambuliaji wanaotajwa kuwa katika mpango wa Gomes ni mshambuliaji wa Klabu ya DC Motema Pembe ya DR Congo, Kadima Kabangu
Katika msimu huu Kabangu amefunga mabao tisa na kutoa pasi nne katika michezo 16 ya ligi kuu nchini DR Congo, huku katika kombe la Shirikisho akifanikiwa kufunga mabao matatu katika michezo minne aliyocheza
Gomes anahitaji kusajili mshambuliaji mwenye uzoefu wa soka la Kimataifa ambaye uwezo wake ni zaidi ya hawa waliopo
Hata hivyo usajili huo unamaanisha kutakuwa na mshambuliaji mmoja ambaye atapaswa kuondoka
