Kocha Msaidizi wa Simba Selemani Matola amesema kikosi cha timu hiyo kiko tayari kwa mchezo wa ligi kuu dhidi ya Ruvu Shootinga ambao utapigwa kesho Alhamisi kwenye uwanja wa CCM Kirumba
Akizungumza katika Mkutano na Wanahabari kuelezea maandalizi ya kikosi cha Simba, Matola amesema wachezaji wote wako tayari
"Tunashukuru tuliwasili salama jijini Mwanza, jana tulifanya mazoezi kwenye uwanja wa Nyamagana na leo tutakamilisha maandalizi yetu katika uwanja wa CCM Kirumba"
"Tunajua hautakuwa mchezo mwepesi kwani Ruvu Shooting wanakuwa wagumu kila wanapokutana na sisi lakini tumejipanga, tutaondoka na pointi tatu," alisema Matola
"Sisi lengo letu ni kutetea ubingwa, mchezo utakuwa mgumu lakini naamini wachezaji wetu watafanikisha malengo kwa kuibuka na ushindi"
