Sisi tunacheza ligi ya peke yetu - Manara

Afisa Habari wa klabu ya Simba Haji Manara amesema hakuna timu yenye ubavu wa kuwazuia kuchukua ubingwa msimu huu wanachosubiri sasa ni muda uwadie ili washangilia ubingwa huo wa nne mfululizo

Akizungumza kuelekea mchezo dhidi ya Ruvu Shooting, Manara amesema wanatarajia kushinda mchezo huo, kama matokeo yatakuwa tofauti basi ni kwa bahati mbaya tu

"Simba ni timu bora sana hapa Tanzania, hatupewi heshima yetu. Sisi tunacheza ligi ya peke yetu. Kuna wale wanaopigania kushuka daraja, Kuna wale wanaoisindikiza Simba kuchukua ubingwa, na kuna Simba"

"Msimu huu tayari ulishaisha sababu tulishachukua ubingwa na sioni wa kuizuia Simba kuchukua ubingwa, siyo kwa msimu huu tu bali kwa misimu sita ijayo," alitamba Manara