Mabingwa wa nchi Simba wako jijini Mwanza ambapo siku ya kesho Alhamisi, watashuka katika uwanja wa CCM Kirumba kuikabili Ruvu Shooting ukiwa ni mchezo wa ligi kuu ya Vodacom
Jana jioni Simba ilifanya mazoezi uwanja wa Nyamagana kujiandaa na mchezo huo unaosubiriwa kwa hamu mashabiki wa Simba jijini Mwanza na kote nchini
Meneja wa Simba Patrick Rweyemamu amesema wachezaji wote 21 waliosafiri kwa ajili ya mchezo huo wako tayari kuwapa furaha Wanamsimbazi siku ya kesho
Aidha Mkufunzi wa Simba Didier Gomes amesema anafahamu wanakutana na timu ambayo iliwafunga katika mchezo wa duru ya kwanza, lakini hawataruhusu jambo hilo litokee tena
"Hautakuwa mchezo mwepesi, Ruvu Shooting ni timu nzuri, wana wachezaji wazuri lakini kwa upande wetu tumejiandaa vizuri na lengo letu ni kushinda kila mchezo unaokuja mbele yetu ili tuweze kutetea ubingwa," alisema Gomes
