Imekuwa kawaida wa viongozi wa Yanga kuibuka kila wakati winga Bernard Morrison anapofanya tukio
Wapo waliotabiri kuwa baada ya kufunga bao la 'kideo' kule Ruangwa katika mchezo wa ligi kuu dhidi ya Namungo Fc, Yanga wangefufua kesi dhidi yake!
Ndicho kilichotokea kwani jana Yanga walidai kesi ya nyota huyo itaunguruma CAS kuanzia Juni 02 ingawa ukiingia kwenye tovuti ya CAS katika tarehe hiyo hakuna kesi yoyote kutoka Tanzania
Uzuri kesi zote zinazosikilizwa, taarifa zake zinawekwa katika mtandao rasmi wa Mahakama ya Kimataifa ya usuluhishi wa michezo
Lakini pia wapo wanaohusisha kuibuliwa kwa kesi hiyo na jaribio la kuzima wanaohoji kuondoka kwa mchezaji wao Carlinhos ambaye amevunja mkataba na 'kusepa' zake kwao jana
Kila mambo yanapochafuka, utasikia linaibuliwa jambo. Morrison ametumika kila wakati kuficha madhaifu, lakini ukweli unajulikana, Morrison ni mchezaji halali wa Simba
Kungekuwa na tatizo asingepewa vibali vyote vya kuitumikia Simba kwenye ligi ya ndani na hata michuano ya ligi ya mabingwa barani Afrika
Acha hizi 'sarakasi' ziendelee lakini mwisho wake unakaribia, wanaotumia shauri la Morrison kujificha, wataumbuka
