Bingwa anaendelea kuunguruma! leo akiwa kule uwanja wa Majaliwa, Ruangwa, machampioni wa soka Tanzania Simba wamepata ushindi wa mabao 3-1 dhidi ya Namungo Fc
Namungo walitangulia kufunga bao mapema kwenye kipindi cha kwanza
Hata hivyo uzoefu wa wachezaji wa Simba ulitosha kuwahakikishia wababe hao wa soka Tanzania ushindi muhimu unaowafanya wajichimbie kileleni kwa tofauti ya alama tatu
Dakika 9 tu zilitosha kupeleka kilio Ruangwa kwa mabao ya Chris Mugalu, John Bocco na Bernard Morrison aliyefunga bao la 'kideoni'
Safari ya kuelekea ubingwa wa nne msimu huu inaendelea ambapo kimahesabu Simba inahitaji kushinda michezo minne kati ya nane iliyobaki kuurudisha ubingwa Msimbazi
Kituo kinachofuata ni mkoani Mwanza kwa ajili ya mchezo dhidi ya Ruvu Shooting
