Juzi Mtendaji Mkuu wa Simba Barbara Gonzalez aliwawakilisha mabingwa hao wa nchi kupokea bonus ya Tsh Milioni 50 kutoka kampuni ya Sportpesa ambao ndio wadhamini wakuu wa klabu ya Simba
Sportpesa walianza kuidhamini Simba msimu wa 2016/17 mkataba wao ukitarajiwa kufika mwisho msimu ukimalizika
Akizungumza katika hafla hiyo, Barbara alisema klabu ya Simba imepanda thamani hivyo wanatarajia kupokea ofa nono zaidi pale mkataba utakapomalizika
Simba imekuwa ikipokea takribani Tsh Bilioni moja kwa mwaka, fedha za udhamini kutoka Sportpesa
Hata hivyo ni wazi Simba inaweza kuachana na Sportpesa kama hawataongeza mkwanja zaidi
"Juzi tumeona Azam Media na TFF wakisaini mkataba mnono wa haki za matangazo ya televisheni. Simba imepanda sana thamani hivyo tunatarajia mkataba mnono zaidi," alisema Barbara
Mwenyekiti wa Bodi ya Wakurugenzi Bilionea Mohammed Dewji aliwahi kudokeza kuwa Simba hairidhishwi na fungu wanalolipwa na Sportpesa hivyo wanaweza kungalia udhamini kwingine kwenye maslahi zaidi
Hivi karibuni Simba ilitoa tenda ya kutengeneza na kusambaza jezi kwa kampuni ya VunjaBei ambayo thamani yake ni Tsh Bilioni 2 kwa mwaka
