Jana katika mchezo wa robo fainali kombe la FA dhidi ya Dodoma Jiji, mshambuliaji Meddie Kagere alihitaji dakika tano tu kufunga bao lake la tatu katika michuano hiyo msimu huu
Kagere aliweka kambani bao la tatu kwa Simba katika mchezo huo ambao Simba ilijihakikishia kutinga nusu fainali kwa ushindi wa mabao 3-0
Bado wengi wanajiuliza kwa nini Kagere sio mshambuliaji chaguo la kwanza katika kikosi cha kocha Didier Gomes?
Ukiangalia takwimu, Kagere yuko mbele ya washambuliaji wenzake John Bocco na Chris Mugalu
Msimu huu Kagere amefunga jumla ya mabao 14. Kwenye ligi amefunga mabao 11 na kombe la FA 3
Yuko nyuma kwa mabao matatu dhidi ya kinara wa ufungaji ligi kuu ya Vodacom Prince Dube aliyefunga mabao 14
Hata hivyo Simba ina takribani mechi nne za viporo hivyo ni wazi kama Kagere atapewa nafasi mara kwa mara, anaweza kurejea juu kileleni katika mbio za ufungaji bora
Huu ni msimu wa tatu mfululizo Kagere anawania ufungaji bora. Misimu miwili ameikuba na kiatu cha dhahabu, msimu huu pia ana nafasi kuondoka na kiatu cha dhahabu
Kwa mwendelezo wake wa kuzifumania nyavu, anaweza kumpa sababu Gomes kumuamini na pengine kumtumia mara kwa mara
