Mwenyekiti wa Bodi ya Wakurugenzi klabu ya Simba Bilionea Mohammed Dewji 'Mo' amesema michuano ya ligi ya mabingwa itakosa mvuto baada ya Simba kuondolewa katika hatua ya robo fainali
Jana CAF walitoa kikosi bora cha hatua ya robo fainali ambapo wachezaji wa Simba Mohammed Husein, Luis Miquissone, Clatous Chama na John Bocco walijumuishwa
Simba iliifumua Kaizer Chiefs mabao 3-0 katika mchezo ambao mabingwa hao wa soka Tanzania walilidhihirishia bara la Afrika kuwa ni bahati tu waliyokuwa nayo Kaizer ndio iliyowavusha lakini sio kwa ubora wa timu
Mo amesema kukosekana kwa Simba katika hatua ya nusu fainali, kumewaondolewa burudani mashabiki wa soka barani Afrika
"Nusu fainali za Ligi ya mabingwa Afrika haitokuwa na mvuto bila ya Simba, " aliandika Mo kwenye ukurasa wake wa mtandao wa kijamii
Aidha katika maoni yake aliyotoa jana, Mo alisema pamoja na Simba kuwazidi Kaizer Chiefs, pia waliifanya waonekane ni timu ya kawaida sana
