Mabingwa wa nchi Simba jioni ya leo wamerejea mazoezi kujiandaa na mchezo wa robo fainali kombe la FA dhidi ya Dodoma Jiji ambao utapigwa keshokutwa Jumatano katika uwanja wa Benjamin Mkapa
Baada ya kuondoshwa hatua ya robo fainali ya michuano ya ligi ya mabingwa barani Afrika, Simba inarejea kwa nguvu kwenye michuano ya ndani kutetea mataji yake mawili
Meneja wa Simba Patrick Rweyemamu amesema wanarejea kwenye michuano ya ndani wakiwa na morali ileile waliyomaliza nayo katika michuano ya ligi ya mabingwa
"Tulikuwa na malengo makubwa ya kuingia nusu fainali ligi ya mabingwa lakini bahati haikuwa upande wetu. Kila mmoja ameona vile tulivyopambana. Timu imerejea mazoezini kujiandaa na mchezo wa kombe la FA dhidi ya Dodoma Jiji"
"Morali ya wachezaji iko juu, kila mmoja yuko tayari kwa mchezo huo. Hatuwezi kuwadharau wapinzani wetu kwani nao watakuwa 11 uwanjani kama tutakavyokuwa sisi hivyo tunajiandaa kikamilifu," alisema Rweyemamu
Huenda Kocha Didier Gomes akafanya mabadiliko ya kikosi chake siku ya Jumatano akitarajiwa kuwapa mapumziko baadhi ya nyota ambao wamecheza mfululizo
