Alama 13 ambazo Simba imeweza kukusanya katika michuano ya ligi ya mabingwa msimu huu, zimefanya Tanzania kufikisha alama 27.5 na kujihakikishia kutoa timu nne kwenye michuano ya CAF msimu ujao
Kwa maana msimu ujao Tanzania itatoa timu mbili kwenye michuano ya ligi ya mabingwa na timu mbili kwenye michuano ya kombe la Shirikisho barani Afrika
Aidha, kutolewa kwa ASC Jaraaf ya Senegal kwenye mashindano ya kombe la shirikisho na klabu ya Cotton Sports ya Cameron katika hatua ya robo fainali, kumeihakikishia Tanzania kusalia katika nafasi ya 12 wakati Senegal wakipanda mpaka nafasi ya 13 wakiwa na alama 15
Wakati ligi ya mabingwa msimu huu ikianza, Tanzania ilikuwa na alama 13.5 hivyo Simba peke yake imechangia alama 13 wakati Namungo ikichangia alama moja
Simba imeendelea kuiheshimisha Tanzania, matunda ya mafanikio yake yanawanufaisha wengine pia
