Kocha Mkuu wa Simba Didier Gomes amesema ushiriki wao katika michuano ya ligi ya mabingwa msimu huu, umewafunza nini wanapaswa kufanya msimu ujao ili waweze kufika mbali zaidi
Simba imeondoshwa na Kaizer Chiefs hatua ya robo fainali licha ya ushindi wa mabao 3-0 nyumbani
Kipigo cha mabao 4-0 Afrika Kusini ndicho kilichovuruga hesabu za Simba kwani mabingwa hao wa nchi walipaswa kushinda zaidi ya mabao manne ili kutinga nusu fainali moja kwa moja
Gomes amekiri matokeo ya mchezo wa Afrika Kusini yamechangia kwa kiasi kikubwa wao kushindwa kuvuka hatua ya robo fainali
Hata hivyo hilo ni somo kwao ambapo ameahidi kuwa msimu ujao hawatarudia makosa
"Tulikuwa na malengo ya kutinga nusu fainali lakini imeshindikana. Tumejifunza na tukipata nafasi ya kushiriki msimu ujao tutakuwa bora zaidi," alisema Gomes.
"Wachezaji walipambana kwa ajili ya timu, walifanya kila kitu kwa ajili ya timu lakini bahati haikuwa upande wetu kwa kweli najivunia kufanya nao kazi"
Simba inarejea katika kampeni ya kutetea mataji yake mawili, Ligi Kuu na Kombe la Shirikisho la Azam
Keshokutwa Jumatano Simba itashuka uwanja wa Benjamin Mkapa kuikabili Dodoma Jiji ukiwa ni mchezo wa robo fainali kombe la Shirikisho
