Kocha Mkuu wa Simba Didier Gomes amesema wako tayari kwa mchezo wa mkondo wa pili robo fainali ya michuano ya ligi ya mabingwa dhidi ya Kaizer Chiefs ambao utapigwa kesho Jumamosi katika uwanja wa Benjamin Mkapa
Gomes amesema wamejiandaa kikamilifu kuelekea mchezo huo, akiamini kuwa hakuna jambo lisilowezekana kwenye mpira wa miguu
Kocha huyo raia wa Ufaransa amesema kuwa wamekusudia kufanya maajabu akiwataka mashabiki wa Simba kuwa na imani, kesho ni siku ya furaha kwao
"Tumefanya maandalizi ya kutosha tayari kuwakabili Kaizer Chiefs. Tunafahamu hautakuwa mchezo mwepesi lakini lazima tucheze kufa na kupona. Wachezaji wapo tayari kupambana, wapo tayari kufanya maajabu, hakuna kinachoshindikana," alisema Gomes
Simba inahitaji kupata ushindi wa mabao 5-0 kuweza kutinga nusu fainali ya michuano ya ligi ya mabingwa barani Afrika
Ni baada ya kupoteza kwa mabao 4-0 katika mchezo wa kwanza uliopigwa Afrika Kusini wiki iliyopita
Kwa hakika ni ama zao ama zetu, hii ni vita iliyokamilika, wanajeshi wetu wako tayari kwa mapambano
