Kuelekea mchezo dhidi ya Kaizer Chiefs ambao utapigwa Jumamosi, May 22 katika uwanja wa Benjamin Mkapa, wachezaji wa Simba wamepania kupambana kufa na kupona kupata matokeo
Jana waandishi wa habari walipewa nafasi ya kufanya mahojiano na wachezaji na benchi la ufundi kuelezea mkakati wao kuelekea mchezo huo
Nahodha wa mabingwa hao wa nchi John Bocco alisema, wao kama wachezaji watahakikisha wanapambana kupata matokeo katika mchezo huo ili waweze kutimiza malengo.
Bocco aliwahakikishia wanahabari kuwa mchezo huo watapigana kadri ya uwezo wao wapate matokeo akiamini lolote linaweza kutokea
"Kila timu inahitaji matokeo katika mchezo huo, na sisi kama wachezaji ni jukumu letu kuhakikisha tunapambana kupata matokeo ambayo yatazidi kutuweka katika sehemu nzuri maana tukipoteza huo mchezo ndio tumeondolewa, katika kutimiza malengo,"amesema Bocco
Aidha mkongwe Erasto Nyoni alisema watatumia mchezo huo kufuta machungu ya kipigo cha mabao 4-0 walichokipata kutoka mchezo uliopita na muhimu zaidi wanahitaji kutinga nusu fainali
"Tutahakikisha tunapambana kupata matokeo ambayo yatatufanya kutimiza malengo tuliyoyapanga toka mwanza mwa michuano hii, wanasimba waendelee kutusapoti sisi wachezaji tutahakikisha tunapambana kupata matokeo"
Leo Simba inaendelea na mazoezi katika uwanja wake wa Mo Simba Arena lakini siku ya leo waandishi wa habari wamzuiliwa kuingia eneo la uwanja baada ya kupewa nafasi ya kuzungumza na benchi la ufundi na wachezaji hapo jana
