Mabingwa wa nchi Simba, baada ya mchezo wao wa mkondo wa pili robo fainali ya michuano ya ligi ya mabingwa barani Afrika dhidi ya Kaizer Chiefs, watakuwa na mchezo mwingine wa robo fainali kombe la Shirikisho la Azam (ASFC) dhidi ya Dodoma Jiji
Simba itacheza na Kaizer Chiefs May 22 uwanja wa Benjamin Mkapa, May 26 watarejea tena katika uwanja huo kuikabili Dodoma Jiji
Ratiba iliyotolewa na TFF imebainisha kuwa michezo ya nusu fainali itachezwa katika mikoa ya Ruvuma na Tabora
Nusu fainali ya kwanza itahusisha mshindi wa mchezo kati ya Simba vs Dodoma Jiji dhidi ya Rhino Rangers vs Azam Fc. Mchezo huu utapigwa uwanja wa Majimaji, Songea
Nusu fainali ya pili itahusisha mshindi wa mchezo kati ya Biashara United vs Namungo Fc dhidi ya Mwadui Fc vs Yanga. Mchezo huu utapigwa uwanja wa Ali Hassan Mwinyi, Tabora
