Simba kuingia kambini leo

Mabingwa wa soka Tanzania Bara, Simba Sc waliwasili kutoka Afrika Kusini jana mchana baada ya mchezo dhidi ya Kaizer Chiefs ambao walipoteza kwa kufungwa mabao 4-0

Afisa Habari wa Simba Haji Manara amesema wachezaji walipewa mapumziko jana na leo wanaingia kambini kuanza maandalizi ya mchezo wa marudiano dhidi ya Kaizer Chiefs ambao utapigwa May 22 katika uwanja wa Benjamin Mkapa

Manara amesema watakuja na mkakati kabambe wa kuhakikisha wanashinda mchezo huo na muhimu zaidi kuona wanatinga nusu fainali licha ya kuwa kazi kubwa lazima ifanyike

Simba itahitaji kushinda angalau mabao 5-0 kuweza kuingia nusu fainali, ushindi wa mabao 4-0 utaupeleka mchezo huo kwenye muda wa ziada