Mo kumwaga fedha Simba

Mwenyekiti wa Bodi ya Wakurugenzi klabu ya Simba Bilionea Mohammed Dewj 'Mo' ameeleza azma yake ya kuongeza uwekezaji kwa mabingwa hao wa nchi

May 08 ilikuwa kumbukumbu yake ya siku ya kuzaliwa na tajiri huyo namba 13 barani Afrika amesema alikusudia kujizawadia magari ya kifahari lakini sasa mpango huo ameuacha ili kuwekeza fedha zaidi kwa klabu ya Simba

Kupitia ukurasa wake wa Twitter Mo amebainisha kuwa furaha ya Wanamsimbazi ni muhimu zaidi kuliko starehe yake mwenyewe

Nilipanga kujizawadia Ferrari na Rolls-Royce, sina budi kuweka mpango huu kapuni kwa sasa na kuelekeza fedha zaidi katika klabu yetu ya @SimbaSCTanzania . Furaha ya @SimbaSCTanzania ni muhimu kuliko starehe yangu. Simba kwanza!

— Mohammed Dewji MO (@moodewji) May 16, 2021